محمد العتيبي
12-27-2007, 12:40 AM
فشة غلل....سامحونا....!!
مش عارف شو احكي وبأي الكلمات افش غلي..بس رح احكي...شنو الواحد بعد كل مباراة للوحدات بنحرق دمه...الا ما رحم ربي....!!
بس ما رح اخلي اشي بنفسي....اعذروني يعني......!!
مباراتنا اليوم مع الجزيرة كانت عليها علامة استفهام قد كوكب زحل..مع انننا فزنا واخذنا الثلاث نقط...بس في اخطاء واغلاط واضحة ....الاعمى بيحسها وبيشم ريحتها...!!
والاسباب يمكن تكمن بالتالي
مباراتنا مع الجزيرة اليوم كانت بالزرقا ...وملعب الزرقا مش ملعب...عشب نصه طالع والباقي تراب احمر...وهذا السبب احنا معذورين منه لانو مش بأيدنا ...!!
وغير هذا السبب انو في مباراتنا مع الجزيرة اللعيبة كانو منتشيين بعد الفوز ع الفيصلي ويمكن تهيأ لهم انو الدوري صار بالجيبة...لا اجزم...وان بعض الظن اثم
السبب المهم والمهم جدا هو النقص الواضح بالفريق...يعني رح اظل احكي وبالصوت العالي انو الفريق بحاجة الى مدافعين على الاقل ان كانو محليين او خارجيين
ومهاجم قناص...لانو الدفاع عندنا مهزوووووووووز جدا ولولا ربنا وشطارة الحوت شفيع كان ترتيبنا بالدوري الخامس او السادس...والهجوم زي ما انتو شايفين محمود شلباية بعيد كل البعد عن مستواه والدليل الفرص المهدورة منه في مباراة اليوم ومباراتنا مع الفيصلي...واضف الى ذلك محدودية خطورته هو وعوض راغب اللي السنة هاي مختفي تماما واحساسه التهديفي معدوم للاسف.....!!
الكلام يطول عن لعيبتنا اللي مستواهم متراجع....وما رح اخوض فيه تقديرا لمجهوداتهم السابقة...بس هم لازم يحسو فينا احنا الجمهور اللي بينحرق دمنا....!!
والادارة لازم تحس فينا...وتتحرك وتجيب وتحط وتوخذ وتودي وتطحن وتعجن...بصراحة الواحد انفلق من هالوضع.....!!
اصلاح احوال الفريق الاول رح تخلينا نكتسح كل الافرقة بالدوري وبشكل اقوى ...واحنا بنكون حاطين ايدينا ورجلينا وروسنا كمان بمي باردة..وحاطيين ببطوننا شمامة صيفي...!!
اعذروني يا بشر ع صراحتي..بس بعد ما احضرت المباراة اليوم انحرق راسي...!!
بدي حدا يرد علي ويقنعني انو كلامي غلط...عشان اعرف بالتحديد المشكلة عندي ولا عند النادي؟؟
(كتب الموضوع السيد True(الدوايمة سابقا))
مش عارف شو احكي وبأي الكلمات افش غلي..بس رح احكي...شنو الواحد بعد كل مباراة للوحدات بنحرق دمه...الا ما رحم ربي....!!
بس ما رح اخلي اشي بنفسي....اعذروني يعني......!!
مباراتنا اليوم مع الجزيرة كانت عليها علامة استفهام قد كوكب زحل..مع انننا فزنا واخذنا الثلاث نقط...بس في اخطاء واغلاط واضحة ....الاعمى بيحسها وبيشم ريحتها...!!
والاسباب يمكن تكمن بالتالي
مباراتنا مع الجزيرة اليوم كانت بالزرقا ...وملعب الزرقا مش ملعب...عشب نصه طالع والباقي تراب احمر...وهذا السبب احنا معذورين منه لانو مش بأيدنا ...!!
وغير هذا السبب انو في مباراتنا مع الجزيرة اللعيبة كانو منتشيين بعد الفوز ع الفيصلي ويمكن تهيأ لهم انو الدوري صار بالجيبة...لا اجزم...وان بعض الظن اثم
السبب المهم والمهم جدا هو النقص الواضح بالفريق...يعني رح اظل احكي وبالصوت العالي انو الفريق بحاجة الى مدافعين على الاقل ان كانو محليين او خارجيين
ومهاجم قناص...لانو الدفاع عندنا مهزوووووووووز جدا ولولا ربنا وشطارة الحوت شفيع كان ترتيبنا بالدوري الخامس او السادس...والهجوم زي ما انتو شايفين محمود شلباية بعيد كل البعد عن مستواه والدليل الفرص المهدورة منه في مباراة اليوم ومباراتنا مع الفيصلي...واضف الى ذلك محدودية خطورته هو وعوض راغب اللي السنة هاي مختفي تماما واحساسه التهديفي معدوم للاسف.....!!
الكلام يطول عن لعيبتنا اللي مستواهم متراجع....وما رح اخوض فيه تقديرا لمجهوداتهم السابقة...بس هم لازم يحسو فينا احنا الجمهور اللي بينحرق دمنا....!!
والادارة لازم تحس فينا...وتتحرك وتجيب وتحط وتوخذ وتودي وتطحن وتعجن...بصراحة الواحد انفلق من هالوضع.....!!
اصلاح احوال الفريق الاول رح تخلينا نكتسح كل الافرقة بالدوري وبشكل اقوى ...واحنا بنكون حاطين ايدينا ورجلينا وروسنا كمان بمي باردة..وحاطيين ببطوننا شمامة صيفي...!!
اعذروني يا بشر ع صراحتي..بس بعد ما احضرت المباراة اليوم انحرق راسي...!!
بدي حدا يرد علي ويقنعني انو كلامي غلط...عشان اعرف بالتحديد المشكلة عندي ولا عند النادي؟؟
(كتب الموضوع السيد True(الدوايمة سابقا))