جاري مزعج ... بالصور

[khaled775]

السلام عليكم ورحمة الله وبركاته ..

طبعا ابي شوركم .. طقت روحي كل يوم أصحى على ازعاج الجار ونعم الجار

طبعا جاري والدهم متوفي واخوهم الكبير لسانه عسل بس زي ماقالو تيتي تيتي

مثل مارحتي جيتي لا حياتي لمن تنادي كانو يتجمعون على درج بيتي مدخل نساء

كل ماقلت مايجوز وعيب قالو بيتنا مالك حق حطيت بيني وبينهم شينكو صار يوقف

على الشينكو غير الارض الفضاء اللي امامي تجمع زملاءهم وبشكل دائم وقوفهم

امامي ناهيكم عن غسيل سياراتهم وازعاج مسجلاتهم اقسم بالله اني ماقلت لاحد

من اصدقائي اني شريت بيت ماابي يجوني واتفشل قدامهم من جمعت هالاشكال

شكيتهم في الشرطه بدون جدوى وبعد ماشكيت جاني اشد الازعاج يعني زدت الطين

بله غير المحاكم 6 اشهر وماادري يسوون معهم شي والا لا ؟

لو اقدر ابيع البيت بعته بس المشكله كل اللي معي حطيته فيه اخاف اطلع استأجر

مايسدد لي اللي بأجره واروح في خبر كان ..

ياجماعه صوت المسجل الحوش والمجلس والمقلط ماتقدر تجلس فيهم من زود الازعاج

اذا طلعت تعال شوف شلون تقزيز بالنظرات غير الفرفره قدام البيت رايح جاي غير انهم

مايمدي اطلع مع الباب الا راقف وسط الشارع واقف ويحد بالنظر ..؟ شنو الحل اذبحه

رقبتي تبي تروح بعده اصبر ماعاد من صبر اروح اتمشى ارجع للبيت يضيق صدري ..!

تكفوووووووووووووووووووون ابي حل !! تدخل ناس تصلح ..........! طبعا البيت انا وزوجتي

والوالد والوالده واخوي ولا عندي اطفال الكل يتمنى جيرتي من وين يجي الازعاج بس ؟؟؟

http://www.deretna.com/vb/attachment.php?attachmentid=23921&stc=1&d=1250169730


http://www.deretna.com/vb/attachment.php?attachmentid=23922&stc=1&d=1250169730

http://www.deretna.com/vb/attachment.php?attachmentid=23923&stc=1&d=1250169730



(http://www.0zz0.com)

[Goodbye]

جارك عربي ؟؟؟
معلش بس فضول حابة اعرف؟؟

[khaled775]

عبد وكلنا عبيد لله وللأسف يحمل بطاقه سعوديه ,,,

[اميرة طيبه]

لاحول ولاقوة الا بالله
مثل مايقولوا الجار قبل الدار
اخي الكريم نصيحتي لك بالصبر واللجوء الى الله سبحانه وتعالى
وقول اللهم اكيفيني اياهم بماشئت
الله يكون في عونك ويساعدك انه ولي ذلك والقادر عليه

[khaled775]

جزاك الله خير يعييييييييييييييييييييييييييييييييييين الله

فضفضه .................................................!

ماعلى الدنيا حد مستريح .. مشكوره على المرور

[deyana]

لا حول ولاقوة إلا بالله

[نبع الصفــــا]

يااخي اذهب الى امام مسجدكم ليصلح مابينكم فلعل جارك جاهل بحق الجار على الجار او اذهب الى عمدة الحي فهو ايضا له دور في الاصلاح

[khaled775]

اولا شكرا على مروركم جميعا ... ولك اخي العزيز نبع الصفا طبعا

أنا ساكن بالرياض يعني عمده الحي بقسم الشرطه وقع منه وامش

هذا دورهم بالاحياء بالنسبه لامام المسجد اللي عندنا مسجد مؤقت

يعني ماله امام محدد .. لكن مافيه طريقه الا وجربتها باقي لي الحين

3 ايام واكمل مع جار النحس سنه ,, ولكم خالص شكري وامتناني

[كوكوواوا]

الله يكون في عونك....ويهنيك في مسكنك
وضلك ادعي :
اللهم اشغله عنني بشاغل لايستطيع رده..........أمين

[khaled775]

آآمييييييييين

ومشكور على مرورك ..

[دروب 1 Droob]

اذا كانوا شباب فهذي حركات جهال طنشهم بيملون انت صابر صابر بالحالتين اهم شي لا تبين لهم انزعاجك سوي نفسك مثل الثلج والله بيملون لانه مجرد عناد
لا تحاول تراددهم باي فعل لان بالهم بيكون طويل ومستمتعين بالذات اذا كانوا فاضيين
وانت اللي دمك محروق وبيشغلوك ما تحوج تضيع وقتك على شانهم
مالك الا الصبر والدعا يمكن ربي يردهم لعقولهم والا ينقلون عنكم

[khaled775]

كلامك عين العقل وفعلا كلامك عن تجربه

الله يعين وابشرك اشتريت ارض استراحه

ابي افتك بس الله يعيننا على الديون هذا

وانا مابنيتها والله يعين الجميع ومشكور

على مرورك العطر .....

[khaled775]

قرض 15 سنه فوق ثلثين الراتب عند الجار ال ؟؟؟

الله يريحنا من هالحياه لو بالموت طق الصبر سنه و3 شهور

في هالبلد مالك حق ورب المصحف لو القا احد يضفهم عني

وياخذ حقي بالقانون 100 الف مكافأه وعند كلمتي ..

[goldenbrother]

عليك بالصبر و التضرع الى الله انشاء الله ستزول المشاكل

[ربي لاتذرني فردا]

والله عندي لك نصيحة خنفشارية

بس تتقيد فيها
وأوعدك وعد

ماعاد تشوف غبرة رجولهم عندك :right3:

[ياقلب لاتحزن]

الله يعييييييييينك

قبل جيرانا كانوا يقطون على حوشنا حفاضات بنتهم