غالي يا اردن غالي

[sereen]

http://www.deretna.com/vb/attachment.php?attachmentid=2869&stc=1&d=1202359747

غالي يا اردن غالي
غالي و ترابك غالي
غالي و مش مكفي مالي
مش قادر انا على غلاك
***
بيقولو البنزين رح يولع
و جرة الغاز رح تفرقع
و البيض فقسّت اسعاره
حتى الجاجة حست بناره
و بيقولو الدهب غالي
طب مال الدهب و مالي؟
هو انا طايل صحن الرز؟
الله يرحم ايام العز
عاللحمة كنا نمز
و نحلّي وراها بمقالي
***
الخمسين ركبت جنجات
و العشرين بتفرطها خمسات
و العشرة بالجيبة ما بتبات
و الليرة ما بتشتري كت كات
يا زلمة قرفت حالي
***
جدي بقول بالزمنات
كنا نحلب هالعنزات
و ناكل من لبن البقرات
و نزرع شوية قمحات
و هادين البال نبات
ما يهمنا طول الليالي
***
شو تركنا لولادنا عيشة؟؟
اكلتولنا الجاجة و الريشة
ما ضل غير ندخن هيشة
الفيسروي سعره عالي
***
يا اردن ما اغلاك
و يا محلا شمسك و سماك
كان غلاك بقلوبنا
و صار هلأ ع جيوبنا
بس بتضلك محبوبنا
و هواك ع قلبي غالي

http://www.deretna.com/vb/attachment.php?attachmentid=5235&stc=1&d=1203713513

[Awg]

يا عمي والله غالي

[dodo asaly]

يا اردن ما اغلاك

[Goodbye]

تسلم الايادي يا رب