Shanshoneh
12-10-2007, 09:38 AM
تعاريف لغوية
المسطل : هو من يرجع أصله لعائلة السطول العريقة وأصلها يرجع إلى العصور الوسطى وقد أطلق على هذه العائلة هذا الاسم نتيجة لأن أفرادها يتميزون بالعقول المخرفة ويرجع ذلك إلى تأجير الدور العلوي والتفريفيع بالمواد المسكرة والمخدرة وغيره ....
الدلخ : وهذا انسان غبي جداً ويرفع الضغط ،،، وينرفز وأكثر من يعاني منه المدرسين وأهله .
المنسم : كل ما كريت عليه تسمع صوت ( تسسسسسسسسسسسسسس )وذلك راجع إلى تهريب الهواء من رأسه والسبب في ذلك هو ان في رأسه فتق لذلك تلقاه دايم يغطس رأسه في سطل موية على شان يعرف من وين التنسيم ( التهريب )
المهوي :هو مرحلة متأخرة من التنسيم والمهوي وصل لمرحلة متأخرة جداً بحيث يفقد أهله الرجاء منه !!!
السلنتح :قليل الأدب فقط لا غير .
جحلط : ( بتشديد اللام ) وهو مرحلة متقدمة للسلنتح .
مزلّب : يعني بايعها بتراب .
مسفّّح : يعني طاير في العجّة وهو ما عنده ماعند جدتي .
الصتيمة : وهو الشخص اللي ما عنده ما عند جدتي ... ويصدق أي شيء يقال له .
المسبه أو المسبوه : هو الشخص يكون مروع في مروع في صغره لدرجة أنه يصبح فاقد للعقل .
الفاهي أو ( المفهي ): هذا الله يخلف مهما تقول له أو تصارخ عليه تلقاه فاتح ثمه وبس ... وإذا كلف عمره وتفاعل معك رد عليه وقالك : هااااه !!!
الحقنة : هو الشخص الغثيث اللي ما يفكك لين تعطيه اللي يبيه منك ومهما تسوي له على شان تصرفة عن الموضوع حقه ينشب في حلقك لين يأخذ منك اللي يبيه ، وهذا يفسر قول العرب : أغث من حقنة من حقنة !!!
العلة : هذا اللي ما تاخذ أنت منه أي شيء ولا عنده استعداد انه يسمع منك مهما حاولت وهو كالمرض يعلّك لين تنفقع مرارتك منه .
العربجي : يظن معظم الناس أن العربجي هو الشخص الشديد !!! حق المشاكل واللي مايمشي إلا وهو مشخص بنت البكار ( اسم لطريقة لبس الشماغ عند العربجة ) وحاط مفاتيحه في سلسلة ولابس نعال زبيرية (تكرمون) ويسحبها تسحيب لين جاء يمشي ... لكن في الآونة الاخيرة ظهرت اشاعات قوية تقول بأن العربجي اللي يسوق الحمار الحمار (( الله يعزكم )) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكارية والقصد منها تشويه السمعة ( الله الله من زين السمعة ) !!!
الكحلي : يطلق مسمى الكحلي على ذوي البشرة السمراء ولأن ذوي البشرة البيضاء ما عندهم لقب احتجوا عند الأمم المتحدة .
المرجوج : هذا ما عمره صلح شي صح في حياته ما يمديك تفتح ثمك إلا وهو طاير طاير في العجة بدون ما يفهم وش السالفة !!! والارتجاج الحاصل له يختلف تماماً عن مشكلة المسبه أو المسبوه ( سبق ذكره ) حيث يكون الارتجاج هنا نتيجة صدمة وليس نتيجة روعة .
المطفوق : من فصيلة المرجوج إلا أن ما يميزه هو أنه إذا مر من عند كأس أو جيك أو غبريق او أي شي فيه مادة سائلة يكبها ( أي يسكبها ) برجله وهو مايدري !!! ولا تخليه يمر من جنبك وأنت معاك صينية فيها بيالات لأانه لازم يصعقها بيده أو بكتفه .. وأخيراً لا تخليه يصب القهوة للضيوف لأنه لازم يكب القهوة على ثوب واحد منهم !!!
القعيطي : هو الشخص البخيل للغاية ويسمى أحياناً الجلدة وقد نشأت القعيطية على يد القعيطي الاكبر قاعط قعيطة المقعط وتبنى نهجه من بعده تلميذه تأبط قعطاً وقد سمي بذلك لأنه كان يخبئ أمواله تحت إبطه ويقعط عليها بكل حزم وشدة .
السربوت : هذا اللي ما يخلي مكان مايروح له وقد كان الاولين يطلقون لقب السربوت على من يشرب التتن ( الدخان ) لكن هالحين الله يخلف الناس تدخن بيدينها ورجلينها ولا أحد يقول لهم شيء .
السمرمدي : وهو من نفس فصيلة السبوت ولكنه أكثر تعقيداً .
الداشر : هذا قليل الأدب ولا يحب يماشي إلا السرابيت ... وإذا قالوا فلان دشر فلان أي خرب أخلاقه .
الملكع : أما هذا فيعرف حتى السكن ( الجن) ومقطع السمكة وذيلها ومهما تحاول تلف وتدور معه تراه فاهم وعارف وش تبي بالضبط فلا تتعب نفسك .
زعّيط : مسوي نفسه يفهم في كل شي وهو من جنب العارضة !!!
مهايطي : وهذا من النوع اللي كلامه أكبر من حجمه .
المصرقع :هو كل شخص ما يهمه شي واللي يطري على باله يسويه لأنه ماخذ الدعوة وساعة صدر وهبال !!!
الفلت : هو كل شخص ما تقدر إنك تأمنه على شيء لأنه مهوب تكانة ويتميز بكل أنواع الإهمال والتطنيش .
الخكري : ببساطة ... الخكري = نعومة +دلع +ليونة ( عيال النيدو )
المسطل : هو من يرجع أصله لعائلة السطول العريقة وأصلها يرجع إلى العصور الوسطى وقد أطلق على هذه العائلة هذا الاسم نتيجة لأن أفرادها يتميزون بالعقول المخرفة ويرجع ذلك إلى تأجير الدور العلوي والتفريفيع بالمواد المسكرة والمخدرة وغيره ....
الدلخ : وهذا انسان غبي جداً ويرفع الضغط ،،، وينرفز وأكثر من يعاني منه المدرسين وأهله .
المنسم : كل ما كريت عليه تسمع صوت ( تسسسسسسسسسسسسسس )وذلك راجع إلى تهريب الهواء من رأسه والسبب في ذلك هو ان في رأسه فتق لذلك تلقاه دايم يغطس رأسه في سطل موية على شان يعرف من وين التنسيم ( التهريب )
المهوي :هو مرحلة متأخرة من التنسيم والمهوي وصل لمرحلة متأخرة جداً بحيث يفقد أهله الرجاء منه !!!
السلنتح :قليل الأدب فقط لا غير .
جحلط : ( بتشديد اللام ) وهو مرحلة متقدمة للسلنتح .
مزلّب : يعني بايعها بتراب .
مسفّّح : يعني طاير في العجّة وهو ما عنده ماعند جدتي .
الصتيمة : وهو الشخص اللي ما عنده ما عند جدتي ... ويصدق أي شيء يقال له .
المسبه أو المسبوه : هو الشخص يكون مروع في مروع في صغره لدرجة أنه يصبح فاقد للعقل .
الفاهي أو ( المفهي ): هذا الله يخلف مهما تقول له أو تصارخ عليه تلقاه فاتح ثمه وبس ... وإذا كلف عمره وتفاعل معك رد عليه وقالك : هااااه !!!
الحقنة : هو الشخص الغثيث اللي ما يفكك لين تعطيه اللي يبيه منك ومهما تسوي له على شان تصرفة عن الموضوع حقه ينشب في حلقك لين يأخذ منك اللي يبيه ، وهذا يفسر قول العرب : أغث من حقنة من حقنة !!!
العلة : هذا اللي ما تاخذ أنت منه أي شيء ولا عنده استعداد انه يسمع منك مهما حاولت وهو كالمرض يعلّك لين تنفقع مرارتك منه .
العربجي : يظن معظم الناس أن العربجي هو الشخص الشديد !!! حق المشاكل واللي مايمشي إلا وهو مشخص بنت البكار ( اسم لطريقة لبس الشماغ عند العربجة ) وحاط مفاتيحه في سلسلة ولابس نعال زبيرية (تكرمون) ويسحبها تسحيب لين جاء يمشي ... لكن في الآونة الاخيرة ظهرت اشاعات قوية تقول بأن العربجي اللي يسوق الحمار الحمار (( الله يعزكم )) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكارية والقصد منها تشويه السمعة ( الله الله من زين السمعة ) !!!
الكحلي : يطلق مسمى الكحلي على ذوي البشرة السمراء ولأن ذوي البشرة البيضاء ما عندهم لقب احتجوا عند الأمم المتحدة .
المرجوج : هذا ما عمره صلح شي صح في حياته ما يمديك تفتح ثمك إلا وهو طاير طاير في العجة بدون ما يفهم وش السالفة !!! والارتجاج الحاصل له يختلف تماماً عن مشكلة المسبه أو المسبوه ( سبق ذكره ) حيث يكون الارتجاج هنا نتيجة صدمة وليس نتيجة روعة .
المطفوق : من فصيلة المرجوج إلا أن ما يميزه هو أنه إذا مر من عند كأس أو جيك أو غبريق او أي شي فيه مادة سائلة يكبها ( أي يسكبها ) برجله وهو مايدري !!! ولا تخليه يمر من جنبك وأنت معاك صينية فيها بيالات لأانه لازم يصعقها بيده أو بكتفه .. وأخيراً لا تخليه يصب القهوة للضيوف لأنه لازم يكب القهوة على ثوب واحد منهم !!!
القعيطي : هو الشخص البخيل للغاية ويسمى أحياناً الجلدة وقد نشأت القعيطية على يد القعيطي الاكبر قاعط قعيطة المقعط وتبنى نهجه من بعده تلميذه تأبط قعطاً وقد سمي بذلك لأنه كان يخبئ أمواله تحت إبطه ويقعط عليها بكل حزم وشدة .
السربوت : هذا اللي ما يخلي مكان مايروح له وقد كان الاولين يطلقون لقب السربوت على من يشرب التتن ( الدخان ) لكن هالحين الله يخلف الناس تدخن بيدينها ورجلينها ولا أحد يقول لهم شيء .
السمرمدي : وهو من نفس فصيلة السبوت ولكنه أكثر تعقيداً .
الداشر : هذا قليل الأدب ولا يحب يماشي إلا السرابيت ... وإذا قالوا فلان دشر فلان أي خرب أخلاقه .
الملكع : أما هذا فيعرف حتى السكن ( الجن) ومقطع السمكة وذيلها ومهما تحاول تلف وتدور معه تراه فاهم وعارف وش تبي بالضبط فلا تتعب نفسك .
زعّيط : مسوي نفسه يفهم في كل شي وهو من جنب العارضة !!!
مهايطي : وهذا من النوع اللي كلامه أكبر من حجمه .
المصرقع :هو كل شخص ما يهمه شي واللي يطري على باله يسويه لأنه ماخذ الدعوة وساعة صدر وهبال !!!
الفلت : هو كل شخص ما تقدر إنك تأمنه على شيء لأنه مهوب تكانة ويتميز بكل أنواع الإهمال والتطنيش .
الخكري : ببساطة ... الخكري = نعومة +دلع +ليونة ( عيال النيدو )